సోయా తింటే థైరాయిడ్ తగ్గుతుందట.. అయితే ఈ జాగ్రత్తలు తప్పనిసరి..

చాలామంది థైరాయిడ్ గ్రంథి బలహీనంగా పనిచేయటం, అంటే హైపో థైరాయిడిజంతో బాధపడుతుంటే, కొంతమంది ఎక్కువగా థైరాయిడ్ పనిచేసే స్థితి, హైపర్ థైరాయిడిజంతో బాధపడతారు. ఈ థైరాయిడ్ సమస్యలు స్త్రీలలో ఎక్కువ, స్త్రీలు ముఖ్యంగా మెనోపాజ్ ముందు దశ, ఆ తర్వాత దశలలో వీటిని ఎక్కువగా ఎదుర్కొంటారు.

గత దశాబ్దం నుండి మొక్కల ఆధారిత శాకాహారం యొక్క ఎన్నో లాభాల గురించి అవగాహన పెరుగుతూ వస్తోంది. శాకాహారం వల్ల ఎన్నోరకాల జబ్బులు, గుండె జబ్బులు, అధిక బిపి, డయాబెటిస్, ఇంకా ఎన్నో రకాల క్యాన్సర్లు వంటివన్నీ వచ్చే రిస్కు తగ్గుతుంది. కానీ, ఇలా వీగన్ డైట్ తీసుకోవడం వల్ల అయోడిన్ లోపం రావచ్చేమో అనే సందేహాలు ఉన్నాయి. ఈ రకమైన ఆహారంలో అయోడిన్ తక్కువగా ఉంటుంది. ముఖ్యంగా అయోడిన్ ఉప్పు, పాలు ఇంకా ఇతర జంతు ఉత్పత్తులలో సాధారణంగా లభిస్తుంది. సోయాని తినడం థైరాయిడ్ పనితీరుపై ఎలా ప్రభావం చూపిస్తుంది అనేది రెండవ అనుమానం. ఇక్కడ ఇవాళ మనం వీగన్, శాకాహారం తినేవారిలో థైరాయిడ్ వ్యాధి వచ్చే రిస్క్ తగ్గినట్టు నిరూపించిన తాజా పరిశోధనలు, సోయా తినడం వల్ల కలిగే లాభాల గురించి తెలుసుకుందాం.

మన శరీరంలో థైరాయిడ్ ఒక వినాళ గ్రంథి, ఇది గొంతు ముందుభాగంలో మెడలో ఉంటుంది. ఈ గ్రంథి ఉత్పత్తి చేసే హార్మోన్లు శరీర మెటబాలిక్ రేటును నియంత్రించి, శరీరంలోని గుండె, జీర్ణక్రియ, నాడీవ్యవస్థ, మెదడుతో సహా అన్నిటిపై ప్రభావం చూపిస్తాయి. చాలామందిలో థైరాయిడ్ గ్రంథి తక్కువ పనితీరుని చూపిస్తుంది. ఈ స్థితిని హైపో థైరాయిడిజం అంటారు. మరి కొంతమంది ఎక్కువగా పనిచేసే థైరాయిడ్ తో బాధపడుతుంటారు, దీన్ని హైపర్ థైరాయిడిజం అంటారు. థైరాయిడ్ సమస్యలు స్త్రీలలో సాధారణం, ముఖ్యంగా మెనోపాజ్ ముందు, తర్వాత దశలలో ఎక్కువమందికి వస్తాయి. కొంతమంది థైరాయిడ్ గ్రంథికి సంబంధించిన ఆటో ఇమ్యూన్ డిజార్డర్స్ అయిన హషిమోటో, గ్రేవ్స్ జబ్బుల బారిన పడవచ్చు. ఈ స్థితుల్లో శరీరం తన సొంత కణజాలాన్ని నాశనం చేయటానికి యాంటీబాడీ వంటి నిర్మాణాన్ని తయారుచేస్తుంది.

వీగన్ లేదా మొక్కల ఆధారిత ఆహారం తీసుకునే వేల మందిపై చేసిన ఇటీవలి అధ్యయనాల్లో అలాంటి డైట్ తీసుకునే వారికి థైరాయిడ్ వచ్చే అవకాశం తక్కువ అని తేలింది. గమనించాల్సింది ఏంటంటే, మాంసాహారం తినేవారితో పోలిస్తే శాకాహారుల్లో 50 శాతం కన్నా పైగా హైపర్ థైరాయిడిజం వచ్చే రిస్కు తగ్గుతుంది. శాకాహార డైట్ వల్ల హైపో థైరాయిడిజం నుండి కూడా రక్షణ లభిస్తుంది. కానీ, ఈ ప్రభావం లెక్కల పరంగా ఎక్కువగా కనిపించదు. శాకాహార డైట్ వల్ల అనేక లాభాలు ఉన్నాయి. శాకాహారుల్లో ఊబకాయం వచ్చే అవకాశం తక్కువగా ఉంటుంది. వారు ఎక్కువగా యాంటీ ఆక్సిడెంట్లు ఆహారం ద్వారా పొందటం ఇవన్నీ ఆటో ఇమ్యూన్ థైరాయిడ్ డిజార్డర్ల నుండి వారికి రక్షణ కలిగించవచ్చు. ఇంకా పాలు, మాంసం నుండి వచ్చే ఎక్సోజెనస్ ఈస్ట్రోజెన్స్ బారిన తక్కువ పడతారు. కాబట్టి అదనంగా కూడా రక్షణ దొరకవచ్చు. నిజానికి, ఇటీవల ఒక పరిశోధనలో ఎక్కువగా మాంసం తినటం, థైరాయిడ్ క్యాన్సర్‌కి ఎక్కువగా దారితీసే కారణాల్లో ఒకటిగా ఉన్నట్టు తెలిసింది.

థైరాయిడ్ సరిగా పనిచేయటానికి ముఖ్యంగా కావాల్సిన పోషకం అయోడిన్. ఇది ఎక్కువ మొత్తాల్లో జంతు ఉత్పత్తుల్లో లభిస్తుంది. కానీ సరైన బ్యాలెన్స్ ఉన్న శాకాహారంలో కూడా రోజువారీ కావలసినంత అయోడిన్ పొందొచ్చు. అయోడిన్ ఉప్పుతో పాటు, రిఫైన్ చేయని ముడి సముద్రపు ఉప్పు ద్వారా లభిస్తుంది.

గత 20 ఏళ్ళ నుంచి, శాకాహారులు పెరగటం వల్ల ఈ రకమైన ఆహారంతో ఆరోగ్య లాభాల గురించి అవగాహన పెరగటంతో సోయాతో తయారుచేసే పదార్థాలు ఎక్కువ పాపులర్ అయ్యాయి. సంప్రదాయ ఆసియా ఆహారంలో సోయా అనేది వేల ఏళ్ల క్రితం నుండి ముఖ్యమైన ప్రాథమిక పదార్థంగా ఉంటూ వస్తోంది. సోయాతో చేసిన వంటకాలలో ఎక్కువగా ప్రొటీన్ ఉంటుంది. సోయాని ఎక్కువ రకాలుగా వండవచ్చు కాబట్టి శాకాహారులకి పోషణకి సంబంధించి మంచి పరిష్కారంగా ఇది ప్రసిద్ధి. పరిశోధకులకి సోయా బీన్స్‌లో ఆకర్షించే అంశం. వాటిలో ప్రత్యేకంగా ఎక్కువగా ఉండే ఐసోఫ్లేవోన్స్. వీటిల్లో ఈస్ట్రోజెన్ లక్షణాలు ఎక్కువగా ఉంటాయి. ఐసోఫ్లేవోన్లు, హార్మోన్ల ప్రభావంతో ఇంకా హార్మోన్స్ కాకుండా ఇతర ప్రభావాలతో కూడా ఈ జబ్బులు వచ్చే అవకాశాన్ని ప్రభావితం చేస్తాయి. సోయాతో చేసిన వంటకాలు మెనోపాజ్ లక్షణాలను నెమ్మది చేస్తాయి. ఎముకల ఆరోగ్యాన్ని మెరుగుపరుస్తాయి. గుండె జబ్బులు, క్యాన్సర్ అవకాశాలను తగ్గిస్తాయి.

సోయా థైరాయిడ్ పనితీరుపై ప్రభావం చూపిస్తుందన్న ఆలోచన ఎనిమిది దశాబ్దాల క్రితమే పచ్చి సోయాబీన్స్ తిన్న ఎలుకల్లో థైరాయిడ్ పెద్దగా పెరగటం కన్పించినప్పుడే మొదలైంది. కానీ, ముఖ్యంగా ఆసియా దేశాల్లో నివసిస్తున్న ప్రజలు ఈ సోయా వంటకాలని శతాబ్దాల నుండి ఏ థైరాయిడ్ ప్రభావాలు లేకుండానే తింటూ వచ్చారు. ఇలా వారికి సోయా సురక్షితమైనదేనని నిరూపించబడింది. ఇంకా, ప్రత్యేకంగా మనుషుల్లో ఎక్కువగా చేసిన పరిశోధనల్లో, థైరాయిడ్ సాధారణంగా పనిచేస్తున్న వ్యక్తులలో, సోయా వంటకాలు ఏ వ్యతిరేక ప్రభావాలు చూపించవని తెలిసింది.

రెండు అధ్యయనాలు మాత్రం వైద్యపరంగా థైరాయిడ్ వ్యాధి పూర్తిగా లేదా కొద్దిగా ఉన్నవారిలో సోయా ప్రభావాల గురించి కొన్ని ఆందోళనలు వ్యక్తం చేశాయి. ఈ డేటా ప్రకారం కొంతవరకూ హైపోథైరాయిడిజం ఉన్న వ్యక్తులు మరీ ఎక్కువ పరిమాణంలో సోయాను తింటే ఆ వ్యాధి పూర్తిగా రావచ్చు. అదనంగా బయట నుండి థైరాయిడ్ హార్మోన్ ను రిప్లేస్మెంట్ థెరపీ ద్వారా తీసుకుంటున్నప్పుడు, సోయా వంటకాలు శరీరం థైరాయిడ్ హార్మోన్‌ను పీల్చుకోటంలో అడ్డుపడవచ్చు. ఈ సమస్యలకి పరిష్కారాలు చాలా సింపుల్. మొదటగా, హైపోథైరాయిడ్ ఉన్నవారు థైరాయిడ్ మందు వేసుకోటానికి, సోయాతో చేసినవి ఇంకా ఫైటో కెమికల్స్ ఎక్కువగా ఉన్న ఏ పదార్థాలైనా తినటానికి మధ్య రెండు గంటలు సమయం పాటిస్తే సరిపోతుంది. రెండోవది, ప్రొటీన్స్ సరిగ్గా బ్యాలెన్స్ ఉన్న ఆహారంలో భాగంగా వివిధ పదార్థాల నుండి తీసుకోవడం ముఖ్యం. ఏ ఆహార పదార్థాన్ని ఎక్కువగా తినకుండా ఉండాలని గుర్తుంచుకోండి.

సారాంశం ఏంటంటే, ఇటీవలి పరిశోధనలు శాకాహారం థైరాయిడ్ సమస్యలకి వ్యతిరేకంగా రక్షణ కల్పిస్తుందని నిరూపించాయి. ఎక్కువగా ప్రొటీన్ ఉండే సోయా, కేవలం మన కొలెస్ట్రాల్‌కి సంబంధించి మంచి చేయటమే కాదు, థైరాయిడ్ గ్రంథి సామర్థ్యాన్ని కూడా తగ్గటం లేదా పెరగటం ఉండదు. కానీ, ఫైటోకెమికల్స్ ఎక్కువ ఉండే ఇతర పదార్థాల లానే, థైరాయిడ్ మందులు వేసుకునే వారికి సోయా వంటకాలు తిన్నప్పుడు థైరాయిడ్ హార్మోన్‌ను శరీరం పీల్చుకోవటంలో ఇబ్బంది కలిగిస్తాయి. అందుకని రెండింటినీ ఒకేసారి తీసుకోకూడద. కొద్దిగా టైమ్ గ్యాప్ ఇవ్వాలి. మంచి ఆరోగ్యం కోసం సరైన బ్యాలెన్స్ ఉన్న ఆహార డైట్ ను పాటించాలి. ఏదైనా ఒకే ఆహారాన్ని ఎక్కువ పరిమాణంలో తినటం కన్నా వివిధ రకాల ఆహారాన్ని తీసుకోవడం ముఖ్యం. అలాగే అదనంగా క్రమం తప్పకుండా వ్యాయామం కూడా చేయాలి.

Source : Samayam

The following two tabs change content below.
Kade Pavan Kumar Yadav

Kade Pavan Kumar Yadav

Founder at News Pocket
My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.
Kade Pavan Kumar Yadav

Kade Pavan Kumar Yadav

My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.

Leave a Reply