ఆల్కహాల్ ఎక్కువగా తీసుకుంటే గుండె సమస్యలు వస్తాయట..

ఫంక్షన్ అని ఓ రోజూ, పాత ఫ్రెండ్స్ కలిశారాని మరో రోజు.. ఇంకేదో కారణంతో ఇంకో రోజు ఇలా రోజూ ఓ పెగ్గు వేస్తున్నారా.. అయితే జాగ్రత్త సుమీ.. మీరు ఏరికోరి అనారోగ్యాన్ని రెడ్ కార్పెట్ వేసి మరీ ఆహ్వానించినట్టే. ఎందుకంటే.. వ్యసనంలా మద్యం తాగటం కన్నా తరచుగా కొద్దిమొత్తంలో మద్యం తాగటం వల్ల గుండెదడ వచ్చే అవకాశాలు ఎక్కువగా ఉన్నాయని ఒక పరిశోధనలో తేలింది. గుండెదడ సాధారణంగా గుండె కొట్టుకునే తీరులో వచ్చే సమస్య, ఇది గుండెపోటు వచ్చే అవకాశాలను ఐదు రెట్లు పెంచుతుంది. దీని లక్షణాలు దడగా గుండె కొట్టుకోవడం, గుండె కొట్టుకునే వేగం పెరగటం లేదా నాడి సరిగ్గా అందకపోవటం, ఊపిరి అందకపోవటం, అలసట, ఛాతీలో నొప్పి, కళ్ళు తిరగటం వంటివి.

దక్షిణ కొరియాకి చెందిన కొరియా యూనివర్శిటీ శాస్త్రవేత్త జాంగ్ –II చోయ్ చెప్పిన వివరాల ప్రకారం తక్కువ తరచుగా తాగటం కూడా గుండెదడకి కారణం అవుతుందని తెలిపారు.

జర్నల్ ఈపి యూరోస్పేస్ లో ప్రచురితమైన అధ్యయనం ప్రకారం పరిశోధకులు కొత్తగా ఎక్కువగా మారుతున్న గుండె దడకి సంబంధించి తరచుగా తాగటం అలాగే ఒకేసారి ఎక్కువగా తాగటంలో ఏది ముఖ్యమని పరిశీలించారు.
ఈ విశ్లేషణలో గుండెదడ లేని 9,776,956 వ్యక్తులను పరిశీలించారు. వీరు 2009 లో హెల్త్ చెకప్ చేయించుకున్నప్పుడు వారికున్న మద్యం అలవాటు గురించిన ప్రశ్నలకి జవాబులిచ్చారు.

ఇందులో పాల్గొన్న అభ్యర్థులని 2017 వరకూ గుండెదడ వచ్చిన లక్షణాల కోసం గమనించారు. ఇందుకోసం గుండెదడ వచ్చినవారు వారానికి ఎన్నిసార్లు ఆల్కహాల్ తీసుకున్నారు అనే విషయంపై పరిశోధన చేశారు.

ఇందులో వారానికి రెండుసార్లు తాగటంతో పోలిస్తే (ఇదివరకే డేటా ఉన్న గ్రూపు), రోజూ తాగటం అన్నది 1.412 ప్రమాద నిష్పత్తితో(HR) అన్నిటికన్నా ఎక్కువ రిస్క్‌ అయినది. అలాగే వారానికి ఒకసారి తాగటం వల్ల ఈ జబ్బులు రావటానికి తక్కువ అవకాశం ఉంటుందని తేలింది.

చోయ్ మాట్లాడుతూ.. తరచుగా తాగటం, అప్పుడప్పుడు అతిగా తాగటం కన్నా ఎక్కువ ప్రమాదకరమని అని అన్నారు.

వయస్సు, లింగంతో సంబంధం లేకుండా ఎన్నిసార్లు తాగుతారు అనేది గుండెదడకి రావడానికి ఎంత రిస్కో సూచిస్తుంది. మద్యం వల్ల వచ్చే గుండెదడ ఎక్కువసార్లు వస్తే జబ్బు మరింత ముదరవచ్చని పరిశోధన తెలుపుతోంది.

దానితోపాటు, ఆల్కహాల్ అలవాటు వల్ల నిద్రలేమి సమస్య కూడా మొదలవుతుంది. ఇది అత్యంత ప్రమాదకరమని తెలిపారు. వారానికి ఎంత ఆల్కాహాల్ తీసుకున్నారో అందులో ఒక్కో గ్రాముకి రెండు శాతం చొప్పున గుండెదడ వచ్చే రిస్కు పెరుగుతుంది.

కొంచెం తాగేవారికి, అసలు మద్యం తాగనివారు, మధ్యమంగా,లేదా ఎక్కువ తాగేవారిని పోలిస్తే వారికి గుండె సమస్యలు వచ్చే రిస్కు శాతాలు వరసగా 8.6, 7.7,మరియు 21.5 శాతాలుగా ఉన్నాయని ఈ పరిశోధన తెలిపింది.

ఆల్కహాల్ ఎక్కువగా తీసుకోవడం వల్ల కేవలం గుండె జబ్బులు మాత్రమే కాదు. అనేక ఇతర ఆరోగ్య సమస్యలు కూడా వస్తాయి. అది అందరికీ తెలిసిందే. అయితే గుండెజబ్బులు అనేది పెద్ద సమస్య. మిగతా వేరే సమస్యలు వస్తే వాటిని కొన్ని చికిత్సల ద్వారా పరిష్కరించుకోవచ్చు. కానీ, గుండెసమస్యలు అంటే ప్రాణాలతో చెలగాటమే కదా.. అలాంటి పరిస్థితిని ఏరి కోరి తెచ్చుకోవడం ఎంతవరకు సమంజసం.

ఆల్కహాల్ తీసుకోవడం వల్ల ఇప్పటికే ఎన్నో సమస్యలు వస్తాయని తెలుసు. ఎప్పుడో ఓసారి తీసుకోవడం పర్లేదు. కానీ, అదేపనిగా తాగుతుంటే ఖచ్చితంగా ఆరోగ్య సమస్యలు వస్తాయని చెబుతున్నారు. ప్రస్తుతం ఉన్న పరిస్థితుల్లో జీవనప్రమాణం పూర్తిగా తగ్గిపోయింది. ఎవరూ కూడా సంపూర్ణ జీవనాన్ని ఆస్వదించట్లేదు. ఉన్నంతవరకైనా హాయిగా జీవించాలి. అంతేకానీ, లేని పోని సమస్యలను కావాలని కొని తెచ్చుకోవడం సరికాదు. ఎప్పుడూ కూడా మన ఆరోగ్యం మన చేతుల్లోనే ఉంటుంది. దాన్ని చేజేతులారా పాడుచేసుకోవద్దు. ఆరోగ్యాన్ని మించిన ఆస్తి లేదు.

The following two tabs change content below.
Kade Pavan Kumar Yadav

Kade Pavan Kumar Yadav

Founder at News Pocket
My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.
Kade Pavan Kumar Yadav

Kade Pavan Kumar Yadav

My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.

Leave a Reply