బ్రెస్ట్ క్యాన్సర్ లక్షణాలు ఇవే.. జాగ్రత్త పడండి…

బ్రెస్ట్ క్యాన్సర్.. చాపకింద నీరులా విస్తరిస్తున్న ఈ సమస్య రోజురోజుకీ తీవ్రమవుతూ మహిళల ప్రాణం తీస్తోంది.. అవగాహన లేమి కారణంగా చాలా ఈ మహమ్మారి బారిన పడుతున్నారు. అందుకే ముందు నుంచే మహిళలు ఈ సమస్య పట్ల అవగాహనం పెంచుకోవడం చాలా అవసరం. ఈ వ్యాధి లక్షణాలను ముందుగానే గుర్తించడం వల్ల సమస్య గురించి ముందునుంచే జాగ్రత్త పడొచ్చు. మరి ఆ లక్షణాలు ఏంటో ఇప్పుడు చూద్దాం..

ప్రపంచ వ్యాప్తంగా విస్తరిస్తున్న బ్రెస్ట్ క్యాన్సర్ బాధితులు మనదేశంలోనూ ఎక్కువగానే ఉన్నారు. ఓ అంచనా ప్రకారం మన దేశంలోని ప్రతి 10 మంది మహిళల్లో ఇద్దరు బ్రెస్ట్ క్యాన్సర్ బారిన పడుతున్నట్లు సర్వేలు చెబుతున్నాయి. అయితే.. ఇక్కడ మరో విషయం ఏంటంటే.. చాలా మంది మహిళలకు వారు బ్రెస్ట్ క్యాన్సర్‌తో బాధపడుతున్నట్లు తెలియదు కూడా. దీంతో వ్యాధి ముదిరేవరకూ అలానే ఉంటున్నారు. చివరికీ ప్రాణం మీదకు తెచ్చుకుంటున్నారు. అలా కాకుండా కొన్ని లక్షణాలతోనే వీటిని గుర్తించొచ్చు.

  • ఛాతిపై ఉన్న చర్మం లోపలికి వెళ్లి… చర్మం సొట్టలు పడ్డట్లు ఉండడం.
  • వక్షోజాలపై ఉండే చర్మ కణాల్లో మార్పులు వస్తాయి. ఈ కారణంగా ఛాతిలో నొప్పిగా, అసౌకర్యంగా ఉంటుంది. ఈ లక్షణాలు గనుక ఉంటే బ్రెస్ట్ క్యాన్సర్ ఆరంభంలో ఉన్నట్లు గుర్తించాలి.
  • అదే బ్రెస్ట్ నిపుల్స్ చుట్టూ ఉండే చర్మం పొలుసులుగా మారి రాలిపోతుండడం.
  • బ్రెస్ట్ క్యాన్సర్ ఉంటే ఛాతిపై ఉన్న చర్మ రంగు మారుతుంది. శరీరంలోని ఇతర భాగాలపై ఉండే చర్మ కలర్ కన్నా భిన్నంగా ఉంటుంది. ఎప్పటికీ ఇది గమనిస్తూ ఉండాలి.
  • నిపుల్స్‌ని నొక్కితే అవి సరిగా లోపలికి వెళ్లకపోయినా, రెండు కూడా డిఫరెంట్ సైజ్‌లలో ఉన్నా కూడా బ్రెస్ట్ క్యాన్సర్ ఉన్నట్లు అనుమానించాలి.
  • నిపుల్స్ నుంచి తెలుపు, పసుపు, ఎరుపు రంగుల్లో ఏదైనా ద్రవం బయటకు వస్తుంటే అనుమానించాల్సిందే.
  • కాలర్ బోన్స్, చంకల్లో ఉండే లింఫ్ గ్రాంథుల్లో వాపు ఉంటే బ్రెస్ట్ క్యాన్సర్ ఉన్నట్లు భావించాలి.
  • రొమ్ములు, చంకల్లో గడ్డలు ఉన్నట్లుగా అనిపించిన అనుమానించాలి.
  • రొమ్ములపై చర్మం ముడతపడడం, గట్టిగా మారడం
  • రొమ్ములపై గుంటలు, నారింజ పండు రంగులోకి మారితే ఖ్చితంగా అనుమానించాల్సిందే.

మీకు మీరుగానే చెక్ చేసుకోండిలా..

  • ఇలాంటి లక్షణాలు ఉన్నాయో లేదో చేసుకోవాలి. అది ప్రతీ మహిళ కూడా ఎవరికీ వారే చెక్ చేసుకోవచ్చు. అదెలాగో ఇప్పుడు చూద్దాం.
  • పీరియడ్స్ స్టార్ట్ అయిన 5, 6 వ రోజు అద్దం నిల్చోవాలి. ఇప్పుడు క్లాక్ వైజ్, యాంటీ క్లాక్ వైజ్ దిశలో అంటే సవ్య, అపసవ్య దిశలో రొమ్మలను పరీక్షించాలి.
  • ఇలా పరీక్షించే సమయంలో మీకు ఏవైనా గడ్డల్లా తగిలితే ఖచ్చితంగా వైద్యులను సంప్రదించాలి.
  • ముందుగానే రొమ్ము క్యాన్సర్ లక్షణాలను గుర్తించి.. చికిత్స తీసుకోవడం వల్ల సమస్య నుంచి త్వరగా బయటపడతారు.

మామిడిపండుతో మాయం చేసేయొచ్చు.

మామిడిపండు.. పండ్లకే రాజు అయిన మామిడి పండులో ఎన్నో పోషక విలువలు ఉంటాయి. ఎండాకాలం రాగానే ఈ పండు కోసం చాలా మంది తహతహలాడుతుంటారు. జిహ్వచాపల్యాన్ని తీర్చే తీపి పండుగా భావించే ఈ పండులో అద్భుత పోషకాలు ఉన్నాయి. తాజాగా జరిగిన ఓ పరిశోధనలో ఆసక్తికరమైన విషయాలు తెలిశాయి. అదేంటంటే మామిడిపండు బ్రెస్ట్ క్యాన్సర్‌కి వ్యతిరేకంగా పోరాడుతుంది.

మామిడిపండలో పోలిఫినోల్ అనే రసాయనం ఉంటుంది. ఇవి..ప్రొస్టేట్, లుకేమియా, ఊపిరితిత్తుల క్యాన్సర్ కణాల మీద ప్రభావం చూపినట్లు తేలింది. అంతేనా.. బ్రెస్ట్, పెద్దపేగ్‌లకి వచ్చే క్యాన్సర్ కణాలని నిరోధించి నాశనం చేయడంలో మామిడిపండ్లు అద్భుతమైన ప్రభావం చూపినట్లు తెలిసింది.

క్యాన్సర్ ట్రీట్‌మెంట్‌లో క్యాన్సర్ కణాలతో పాటు ఆరోగ్యవంతమైన కణాలు కూడా దెబ్బతింటూ ఉంటాయి. దీనివల్ల బాధితులు మరింత నీరసించిపోతారు. అంతేకాకుండా మళ్లీ క్యాన్సర్ బారిన పటం జరుగుతుంది. కానీ, మామిడిపండు తీసిన రసాయనాలు క్యాన్సర్ కణాలపై దాడి చేస్తాయి.

  • వీటితో పాటు సమతుల్య ఆహారం తీసుకోవడం చాలా ముఖ్యం. వరల్డ్ హెల్త్ ఆర్గనైజేషన్ (డబ్ల్యూహెచ్‌ఓ) వెల్లడించిన దాని ప్రకారం.. సరైన ఆహారం తీసుకోవడం వల్ల ఎలాంటి ఆరోగ్య సమస్యనైనా ఎదుర్కోగల శక్తి వస్తుంది. దీని ప్రకారం మనం తీసుకునే ఆహారంలో ప్రతీరోజూ కూరగాయలు ఉండేలా చూసుకోవాలి. పండ్లు తీసుకోవడం మరింత ముఖ్యం.
  • పసుపు కూడా క్యాన్సర్ కారకాలకు వ్యతిరేకంగా పోరాడుతుంది. కాబట్టి మన ఆహారంలో పసుపుని భాగం చేసుకోవాలి.
  • వీటితో పాటు నట్స్ తీసుకుంటుండాలి. ముఖ్యంగా ప్రతిరోజూ 60 గ్రాముల చొప్పున వాల్ నట్స్ తీసుకోవడం చాలా మంచిది. ఇందులోని ఒమెగా 3, యాంటీ ఆక్సిడెంట్స్, పైతోస్టెరాల్స్ క్యాన్సర్ కారణ కణాల పెరుగుదలను నివారిస్తాయి. అందువల్ల రొమ్ము క్యాన్సర్ కణతుల పెరుగుదల ఆగిపోతుందని నిపుణులు చెబుతున్నారు.
  • అదే విధంగా అవిసె గింజలు కూడా మరొవద్దు. ఇందులో ఒమెగా 3, లిగ్నన్స్, ఫైబర్ పుష్కలంగా ఉంటాయి. వీటిని తీసనుకోవడం వల్ల క్యాన్సర్ బారి నుంచి తప్పించుకోవచ్చు.

వీటికి దూరంగా ఉండాలి..

  • ఆల్కహాల్, కేక్స్, చిప్స్, కూల్ డ్రింక్స్, తీపి పదార్థాలు, రెడ్ మీట్ వంటి వేపుడు పదార్థాలకు దూరంగా ఉండాలి.
  • బ్రెస్ట్ క్యాన్సర్ రావడానికి కారణాలు..
  • జన్యుపరమైన కారణాలు, వాతావరణంలో వస్తున్న మార్పుల కారణంగా మహిళల్లో బ్రెస్ట్ క్యాన్సర్ వచ్చే అవకాశం ఉంటుంది. తరాలు మారే కొద్దీ జన్యువుల్లో మార్పులు వస్తుంటాయి. ఇలా ఎన్నిసార్లు అవి మార్పులకు గురయ్యాయనేదానిపై క్యాన్సర్ వచ్చే అవకాశాలు అంత ఎక్కువగా ఉంటాయి.
  • వయసు పెరిగే కొద్దీ క్యాన్సర్ వచ్చే అవకాశాలు ఎక్కువగా ఉంటాయి. ముప్పై ఏళ్ల వయసులో క్యాన్సర్ వచ్చే అవకాశం 0.6 శాతం మాత్రమే. అదే 70 ఏళ్లు వచ్చేసరికి 3.84 శాతానికి పెరుగుతుంది.
  • రొమ్ములో కొంతమందికి కణుతులు ఉంటాయి. ఇలాంటివారికి రొమ్ము క్యాన్సర్ వచ్చే అవకాశాలున్నాయి. వాటిలో క్యాన్సర్ కారక కణితులు లేనప్పటికీ.. భవిష్యత్‌లో రావొచ్చు. ఉదాహారణకి లబ్యులర్ కార్సినోమా హపర్ప్లాసియా వంటి సమస్యలున్నవారు కూడా ఈ సమస్యలు ఎదుర్కోవచ్చు.
  • ముందుగా ఒక రొమ్ము క్యాన్సర్‌కి గురైతే.. అది రెండో రొమ్ముకి సైతం పాకడం జరుగుతుంది. అలాంటి వారికి కూడా బ్రెస్ట్ క్యాన్సర్ వచ్చే అవకాశం ఉంటుంది.
  • చిన్నవయసులోనే రజస్వల కావడం, ఆలస్యంగా నెలసరులు ఆగిన వారికి రొమ్ము క్యాన్సర్ వస్తుంది. ఎందుకంటే వీరిలో ఈస్ట్రోజెన్ ఎక్కువగా రిలీజ్ అవుతుంది. ఇలాంటివారికి బ్రెస్ట్ క్యాన్సర్ వచ్చే అవకాశాలు ఎక్కువగా ఉంటాయి.
  • ఏదైనా అనారోగ్యం కారణంగా రేడియేషన్ చికిత్స తీసుకున్నవారికి కూడా బ్రెస్ట్ క్యాన్సర్ వచ్చే అవకాశం ఉంటుంది.
  • అధికబరువు సమస్యతో బాధపడే వారికి కూడా బ్రెస్ట్ క్యాన్సర్ వచ్చే రిస్క్ ఎక్కువగా ఉంటుంది.
  • ఆల్కహాల్ తీసుకునేవారికి కూడా ఈ రిస్క్ ఉంటుంది. మిగిలినవారితో పోలిస్తే ఆల్కహాల తీసుకునేవారు ఈ సమస్యతో బాదపడతారు.
  • అదే విధంగా.. గర్భం దాల్చని వారు, 30 ఏళ్ల తర్వాత సంతానం కలిగిన వారికి కూడా ఈ అవకాశాలు ఎక్కువగా ఉంటాయి.
The following two tabs change content below.
Kade Pavan Kumar Yadav

Kade Pavan Kumar Yadav

Founder at News Pocket
My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.
Kade Pavan Kumar Yadav

Kade Pavan Kumar Yadav

My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.

Leave a Reply