ఈ 10 ఆహారపదార్థాలు ప్లేట్‌లెట్స్ కౌంట్‌ని కచ్చితంగా పెంచుతాయి..

సీజన్ మారింది.. వైరల్ ఫీవర్స్ పెరిగిపోతున్నాయి. చిన్నా, పెద్దా అనే తేడా లేకుండా అంతా ఆస్పత్రుల చుట్టూ తిరుగుతున్నారు. ఒకరికీ ఒకరు వ్యాపిస్తున్న ఈ మాయరోగాలు ప్రాణాల మీదకే వచ్చేస్తున్నాయి. ఈ జ్వరాల కారణంగా కలిగే నష్టంలో ముఖ్యంగా.. రక్తంలో ప్లేట్‌లెట్స్ పడిపోవడం. ఈ కారణంగా బ్లడ్ బ్యాంకులకు రోగుల బంధువుల క్యూ కడుతున్నారు. నాలుగైదు రోజులకు మించి జ్వరం ఉంటే కచ్చితంగా జాగ్రత్త పడాలని వైద్యులు సూచిస్తున్నారు

డెంగ్యూ, మలేరియా, ఇలా ఏ వైరల్ ఫీవర్ అయినా ఈ సమయంలో ఎక్కువగా వస్తాయి. దీంతో బాధపడేవారు అనేక ఆరోగ్య సమస్యలు ఎదుర్కొంటున్నారు. ఇందులో ముఖ్యంగా ప్లేట్‌లెట్స్ కౌంట్ తగ్గిపోవడం. అయితే, కొన్ని సందర్భాల్లో వైరల్ ఫీవర్ నెగిటివ్‌‌ వచ్చినా చాలామందిలో ప్లేట్‌లెట్స్ కౌంట్ తగ్గిపోతుంది. ఈ కారణంగా చాలా మంది అనేక సమస్యలు ఎదుర్కొంటున్నారు. చివరికీ ఇది మితిమీరి ప్రాణాలమీదకి వస్తుంది. నిజానికీ గతంలో డెంగ్యూ బారిన పడినవారిలోనే ఈ సమస్య ఎదురయ్యేది. కానీ, ఇప్పుడు పరిస్థితి మారింది. చాలా మంది ఈ సమస్యని ఎదుర్కొంటున్నారు. ఈ కారణంగా.. ప్లేట్‌లెట్స్‌ కోసం బ్లడ్ బ్యాంకులకు వస్తున్నవారి సంఖ్య గణనీయంగా పెరుగుతోంది.

  • ప్లేట్‌‌లెట్స్ బాడీలోని రక్తాన్ని గడ్డకట్టేలా చేస్తాయి.
  • ప్లేట్‌లెట్స్ తగ్గితే రక్తం గడ్డకట్టదు. ఈ కారణంగా.. శరీరంలోని వివిధ భాగాలకు రక్తస్రావం ఎక్కువగా అయి మనుషులు వీక్ అవుతారు.


ఎన్ని ప్లేట్స్ ఉండాలి..

సాధారణంగా ప్రతి ఒక్కరి రక్తంలో 2.5 లక్షల నుంచి 4 లక్షల ప్లేట్ లెట్స్ ఉండాలి. ఇవి తగ్గితే కౌంట్ తగ్గిందని అర్ధం చేసుకోవచ్చు.

ప్లేట్‌లెట్స్ తగ్గాయని సూచించే లక్షణాలు..

  • నల్లగా విరేచనాలు అవ్వడం
  • చర్మం ఎర్రగా మారితే ప్లేట్‌లెట్స్ తగ్గినట్లే..
  • చిగుళ్ల నుంచి రక్తం కారినా ప్లేట్‌లెట్స్ తగ్గినట్లుగా భావించాలి.
  • ముక్కునుంచి రక్తం కారడం
  • చర్మంపై రాషెస్ రావడం

చాలా సందర్భాల్లో ఇలా ప్లేట్‌లెట్స్ తగ్గి మృత్యుఒడికి చేరినవారు ఉన్నారు. కాబట్టి ఈ సంఖ్య తగ్గితే వెంటనే అప్రమత్తమవ్వాలి. రక్తం ఎక్కించుకోవడమో.. హెల్దీ డైట్ తీసుకోవడమో చేయాలి.

ప్లేట్‌లెట్స్ కౌంట్‌ని పెంచే ఫుడ్..

సాధారణంగా మంచి ఆహారం మంచి ఆరోగ్యాన్ని ఇస్తుందని చాలా చెబుతారు. ఈ నేపథ్యంలోనే కొంతమంది శాస్త్రవేత్తలు పరిశోధన చేసి సరైన ఆహారం తీసుకోవడం వల్ల ప్లేట్‌లెట్స్‌ని పెంచొచ్చని సూచించారు. మరి ప్లేట్‌లెట్స్‌ కౌంట్‌ని పెంచే ఫుడ్ ఐటెమ్స్ ఏంటో చూద్దామా..

విటమిన్ ఏ ఫుడ్..

విటమిన్ ఏ ఎక్కువగా ఉన్న ఫుడ్ ప్లేట్‌లెట్స్ కౌంట్‌ని పెంచుతుంది. క్యారెట్, స్వీట్ పొటాటో, కేల్, గుమ్మడిని తినడం వల్ల ప్లేట్‌లెట్స్ పెరుగుతాయి. క్యాప్సికమ్ తినడం వల్ల కూడా ఉపయోగం ఉంటుంది.

క్యారెట్..

రక్తాన్ని పెంచే క్యారెట్.. ప్లేట్‌లెట్ కౌంట్‌ని కూడా పెంచుతుంది. దీన్ని తీసుకోవడం వల్ల ఆ సమస్యతో బాధపడేవారు త్వరగా ఉపశమనం పొందారని తేలింది. ఈ క్యారెట్‌ని నేరుగానైనా, సలాడ్ రూపంలో నైనా ఎలా తీసుకున్నా ఫలితం ఉంటుంది.

గుమ్మడికాయ..

ఎక్కువగా వంటల్లో ఉపయోగించే గుమ్మడిలో విటమిన్ ఏ ఎక్కువగా ఉంటుంది. అంతేనా.. ఇందులో ప్లేట్‌లెట్స్‌ని పెంచి రెగ్యులేట్ చేసే లక్షణాలు కూడా ఉన్నాయి. దీన్ని రెగ్యులర్‌గా తీసుకోవడం వల్ల కణాల్లో ప్రోటీన్ ఉత్పత్తి అవుతుంది. ఇలా ప్రోటీన్ రెగ్యులేట్ అవ్వడమంటే ప్లేట్‌లెట్స్ కౌంట్ పెరిగినట్లే. గుమ్మడి గింజలు కూడా ప్లేట్‌లెట్స్‌ని పెంచుతాయని తేలింది.

దానిమ్మ..

దానిమ్మ తినడం వల్ల ఎన్నో ఆరోగ్య ప్రయోజనాలు ఉన్నాయి. రక్తహీనతతో బాధపడేవారిని దానిమ్మ తినమని సలహా ఇస్తారు. ఇందులోని యాంటీ ఆక్సిడెంట్స్ రోగ నిరోధక శక్తికి పెంచుతాయి. అంతేనా దానిమ్మని రెగ్యులర్‌గా తింటే ప్లేట్‌లెట్స్ కౌంట్ పెరుగుతుందని ఓ పరిశోధనలో తేలింది. కాబట్టి ప్లేట్‌లెట్స్‌ని పెంచుకునేందుకు దానిమ్మ బాగా ఉపయోగపడుతుందని చెబుతున్నారు నిపుణులు.

బొప్పాయి ఆకు..

బొప్పాయి పండు ఆరోగ్యానికి, చర్మానికి చాలా మంచిదని తెలుసు. కానీ, మీకు ఈ విషయం తెలుసా.. కేవలం పండులో మాత్రమే కాదు.. ఈ ఆకుల్లోనూ బోలెడు ఆరోగ్యానికి సంబంధించిన గుణాలున్నాయి. ముఖ్యంగా ఇందులో ఫ్లేవనాయిడ్స్, అల్కాలాయిడ్స్, యాంటీ ఆక్సిడెంట్స్ ఉంటాయి. వీటిని తినడం వల్ల 24 గంటల్లోనే ప్లేట్‌లెట్ పెరుగుతాయని వైద్యులు చెబుతున్నారు. అయితే, ఈ ఆకు రుచి మాత్రం కాస్తా చేదుగానే ఉంటుంది. కానీ, ఆరోగ్యంగా ఉండాలంటే ఔషధాలు తీసుకోకతప్పదుగా..

గోధుమగడ్డి..

గోధుమ గడ్డి.. ఆరోగ్యంపై పెరిగిన అవగాహన కారణంగా.. ఈ మధ్యకాలంలో గోధుమగడ్డి అనే ఆహారం గురించి ప్రతీ ఒక్కరూ ఆరాతీస్తున్నారు.. అవును ఇందులోని ఎన్నో ప్రత్యేక గుణాలు ఆరోగ్యానికి చాలా మంచిది. కాబట్టి.. ఈ గడ్డిని రసంగా చేసుకుని అందులో కాస్తా నిమ్మరసం కలిపి తాగాలి. ఇలా చేయడం వల్ల ప్లేట్‌లెట్స్ కౌంట్ సులభంగా పెరుగుతుందని నిపుణులు చెబుతున్నారు.

విటమిన్ సి ఫుడ్..

ఆరోగ్యానికి విటమిన్ సి చాలా అవసరం. విటమిన్ సి ఎక్కువగా ఉన్న నిమ్మ, కమలాఫలం, కివీ, పాలకూర, ఉసిరి, బ్రొకోలీ, టమాట, అడవి ఉసిరి, కాలీఫ్లవర్ తినడం వల్ల ప్లేట్‌లెట్స్ కౌంట్‌ పెరుగుతుందని తేలింది. ఫ్రీ రాడికల్ వల్ల జరిగే నష్టాన్ని తగ్గించి కౌంట్‌ని పెంచడంలో ఈ ఆహారపదార్థాలు బాగా ఉపయోగపడతాయి. ప్లేట్‌లెట్స్ కౌంట్‌ తగ్గిన వారు సమస్యని పరిష్కరించుకునేందుకు వీటిని డైట్‌లో చేర్చుకోవచ్చు. ఒకవేళ తినడం కష్టం అనుకుంటే వీటితో సలాడ్ చేసి భోజనానికి ముందుగా తీసుకోవచ్చని నిపుణులు చెబుతున్నారు. ఇక కమలాఫలాల్ని జ్యూస్‌లా చేసుకోని తాగేయొచ్చు.

విటమిన్ కె ఫుడ్..

విటమిన్ కె ఉన్న ఫుడ్‌ కూడా ప్లేట్‌లెట్స్ సంఖ్యని పెంచుతుందని తేలింది. కేల్, గుడ్లు, ఆకుకూరలు, లివర్, మాంసం, క్యాబేజీ తినడం వల్ల కూడా ప్లేట్‌లెట్స్ సంఖ్య పెరుగుతుంది.

బీ 12 ఫుడ్..

పాలు, గుడ్లు, చీజ్‌లో బీ 12 ఎక్కువగా ఉంటుంది. వీటిని అధికంగా తీసుకోవడం వల్ల ప్లేట్‌లెట్స్ కౌంట్ బాగా పెరిగుతుందని తేలింది.

బీట్ ‌రూట్..

చూడ్డానికే ఎరుపు రంగులో ఉండే బీట్‌రూట్.. శరీరంలో రక్త శాతాన్ని పెంచుతుంది. ఈ కూరగాయని కూడా ఎలా తీసుకున్నా మంచిదే. దీని వల్ల ప్లేట్‌లెట్స్ కౌంట్ పెరుగుతుంది. క్యారెట్, బీట్‌రూట్‌ని కలిపి జ్యూస్ చేసుకుని తాగినా మంచి ఫలితమే ఉంటుంది.

సీజన్ మారిన కారణంగా ప్లేట్‌లెట్స్ కౌంట్ తగ్గిందనే సమస్య చాపకింద నీరులా మారుతోంది. రోజురోజుకీ విస్తరిస్తూ చాలామందిని బలితీసుకుంటోంది. ఈ సమస్యకి పరిష్కారం రక్తం ఎక్కించడం, లేదా సరైన జీవనశైలిని పాటించడం. అయితే, సమస్య తీవ్రత ఎక్కువున్న కారణంగా రోగులందరికీ సరిపోయే రక్తం ఏ బ్లడ్ బ్యాంక్ కూడా సరఫరా చేయలేకపోతోంది. ఒకవేళ ఎక్కించినా మళ్లీ మనలోని రోగనిరోధకశక్తి బలహీనంగా ఉండడం కారణంగా మళ్లీ సమస్య మొదలు కావొచ్చు. అందుకే సహజంగానే మంచి ఆహారం తీసుకోవడం వల్ల ఈ సమస్య నుంచి బయటపడొచ్చు. వీటితో పాటు సీజనల్ ఫుడ్ తీసుకోవడం, ఎక్కువగా ఫ్రూట్స్ తీసుకోవడం మరిచిపోవద్దు. మరో విషయం ఏమిటంటే.. పైన చెప్పిన ఆహారపదార్థాలను తీసుకోవడం వల్ల కేవలం ప్లేట్‌లెట్స్ సంఖ్య ఒక్కటే పెరగదు.. అనేక ఆరోగ్య ప్రయోజనాలు కూడా ఉన్నాయి. ఈ విషయాన్ని ప్రతీఒక్కరూ గుర్తుపెట్టుకోవాల్సిన అవసరం ఉంది.

Source : Samayam

The following two tabs change content below.
Kade Pavan Kumar Yadav

Kade Pavan Kumar Yadav

Founder at News Pocket
My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.
Kade Pavan Kumar Yadav

Kade Pavan Kumar Yadav

My self Kade Pavan Kumar Yadav. I was born in Pulivendula, Kadapa District. In my view NEWS is not a piece of just information, It should be the light of someone. It should give knowledge and power to the citizens. Knowing realtime news is knowing the realtime world. I am very very passionate to deliver something to all my fellow citizens.

Leave a Reply